O‘zbekiston va Rossiya tashqi ishlar vazirlari telefon orqali muloqot o‘tkazdi

Baxtiyor Saidovning ma’lum qilishicha, muloqot davomida yaqinlashib kelayotgan ikki tomonlama tadbirlar hamda xalqaro va mintaqaviy maydonlardagi qo‘shma sa’y-harakatlar ko‘rib chiqildi.

O‘zbekiston tashqi ishlar vaziri Baxtiyor Saidov Rossiya tashqi ishlar vaziri Sergey Lavrov bilan telefon muloqoti o‘tkazdi. Bu haqda Saidov o‘zining telegram-kanalida ma’lum qildi.

Unda O‘zbekiston va Rossiya o‘rtasidagi strategik sheriklik va ittifoqchilik munosabatlarini yanada mustahkamlash, davlatlarimiz rahbarlari tomonidan erishilgan barcha kelishuvlarni o‘z vaqtida amalga oshirish masalalarini muhokama qildik”, - deyiladi xabarda.

O‘zbekiston tashqi ishlar vazirining qo‘shimcha qilishicha, shuningdek, yaqinlashib kelayotgan ikki tomonlama tadbirlar hamda mintaqada ishonch va hamkorlikni kuchaytirishga qaratilgan xalqaro va mintaqaviy maydonlardagi qo‘shma sa’y-harakatlar ham ko‘rib chiqildi.

#Sergey Lavrov #Baxtiyor Saidov

Kun.uz yangiliklarini Google News'da kuzating

+ Obuna bo'lish