Tramp Milliy gvardiya bilan birga Vashington ko‘chalarida patrullik qilmoqchi

AQSh prezidenti Donald Tramp Milliy gvardiya va politsiya bilan birgalikda Vashingtonni patrul qilishga qo‘shilish niyatida ekanini aytdi. Bu haqda u Newsmax nashriga bergan intervyusida aytib o‘tdi, deb xabar qildi DW.

Amerika yetakchisining tushuntirishicha, u harbiylarning «fantastik ishiga» shaxsan ishonch hosil qilmoqchi.

Shu bilan birga, NBC News ta’kidlaganidek, Tramp Vashingtonda huquq-tartibot idoralari xodimlari va Milliy gvardiya harbiylari bilan uchrashishni rejalashtirmoqda. Oq uy vakili so‘zlariga ko‘ra, prezident ularga o‘z ma’muriyati tomonidan jinoyatchilikka qarshi kurash bo‘yicha joriy etilgan chora-tadbirlarni amalga oshirish borasidagi sa’y-harakatlari uchun minnatdorlik bildirdi. Shu bilan birga, telekanal suhbatdoshi tashrif joyi va vaqtiga aniqlik kiritmadi.

Avvalroq Tramp poytaxtni «jinoyatchilik, qon to‘kilishi, tartibsizlik va falokatlardan» himoya qilish uchun «Vashingtondagi favqulodda xavfsizlik holati» tufayli turli shtatlardan 2 mingga yaqin Milliy gvardiya askarlari va harbiylarni yuborgan edi.

Tanqidchilarning ta’kidlashicha, AQSh poytaxti Demokratik partiyaning tayanchi bo‘lib, Trampning harakatlari aholini cho‘chitishga qaratilgan.