Rossiya TIV rahbari o‘rinbosari Samarqandda bosh konsullik ochilishini ma’lum qildi

Tashqi ishlar vaziri o‘rinbosari buni Rossiya-O‘zbekiston aloqalarini, jumladan, mintaqaviy miqyosda rivojlantirishga bo‘lgan intilishning tasdig‘i deb atadi.

Yaqin kunlarda Samarqandda Rossiya Bosh konsulligi ochiladi. Bu haqda O‘zbekistonning Rossiya Federatsiyasidagi elchixonasida Mustaqillik kuni munosabati bilan tashkil etilgan qabulda tashqi ishlar vaziri o‘rinbosari Sergey Ryabkov ma’lum qildi.

«Samarqandda Rossiya Bosh konsulligini tashkil etish bo‘yicha ishlar yakunlanmoqda. Yaqin kunlarda Bosh konsulxona ochilishi bo‘lib o‘tadi», — dedi u.

Qayd etilishicha, «bu ikki tomonlama aloqalarni, jumladan, mintaqaviy o‘lchovni rivojlantirishga bo‘lgan o‘zaro intilishning yana bir tasdig‘idir».