Tramp o‘limi haqidagi mish-mishlarga birinchi marta izoh berdi

Oq uy rahbari mutlaqo sog‘lom ekaniga ishora qildi.

Foto: AP

AQSh prezidenti Donald Tramp sog‘lig‘i bilan bog‘liq muammolar haqidagi mish-mishlar paydo bo‘lganidan so‘ng Truth Social ijtimoiy tarmog‘ida o‘zini har qachongidan ham yaxshiroq his qilayotganini yozdi.

«Hayotimda hech qachon o‘zimni bunchalik yaxshi his qilmaganman», dedi u.

Bungacha Axios jurnalisti Barak Ravid Oq uyning yuqori martabali mulozimi bayonotiga tayanib, Donald Tramp mutlaqo sog‘lom ekanini ma’lum qilgandi.

29 avgust kuni AQSh vitse-prezidenti Jyeyms Vens agar Donald Trampga nimadir bo‘lsa, davlat rahbari bo‘lishga tayyorligini aytdi. Bu bayonot G‘arb ijtimoiy platformalarida faol muhokama qilindi, shundan so‘ng, Trampning o‘limi haqidagi mish-mishlar tarqaldi.