Iroqda o‘g‘irlab ketilgan Rossiya-Isroil fuqarosi ozod qilindi

2023 yilda Iroqda jangchilar tomonidan o‘g‘irlab ketilgan Rossiya-Isroil fuqarosi Elizabet Tsurkov asirlikdan ozod etildi va hozir AQSh himoyasida, dedi 9 sentabr, seshanba kuni AQSh prezidenti Donald Tramp. «Xabar berishdan mamnunman, Elizabet Tsurkov, Prinston talabasi, uning singlisi AQSh fuqarosi hisoblanadi. U ozod etildi va bir necha oylik qiynoqlardan so‘ng hozir AQShning Iroqdagi elchixonasida xavfsiz holatda», deb yozdi u Truth Social'da.

Tramp «doim adolat uchun kurashishini» qo‘shimcha qildi va Falastinning HAMAS harakatidan ham G‘azo sektorida garovga olinganlarni zudlik bilan ozod etishni talab qildi.

Iroq bosh vaziri Muhammad al-Sudaniy Elizabet Tsurkov ozod etilganini tasdiqladi. «Biz yana bir bor tasdiqlaymizki, qonunlar ijrosi va davlat hokimiyatini qo‘llab-quvvatlashda yumshoqlik ko‘rsatmaymiz hamda hech kimga Iroq va iroqliklarning obro‘siga putur yetkazishiga imkon bermaymiz», — dedi u Facebookʼdagi bayonotida.