Xitoyda dunyodagi eng baland ko‘prik ochildi

Xitoyning Guychjou provinsiyasi, Huatszyan darasi ustidagi osma ko‘prik avtomobillar harakati uchun ochildi. Ko‘prik sathidan Beypan daryosi oqib o‘tadigan dara tubigacha bo‘lgan masofa 625 m bo‘lib, bu uni dunyodagi eng baland ko‘prik qiladi.

Huatszyan darasi ustidagi ko‘prik qurilishi qariyb 4 yil davom etdi, loyiha qiymati 280 mln dollarga baholandi. Inshootning uzunligi 2,9 km. Mahalliy ma’muriyatning ta’kidlashicha, yangi ko‘prik daraning bir tomonidan ikkinchi tomoniga borish vaqtini «ikki soatdan ikki daqiqagacha» qisqartiradi, ushbu loyihaning ishga tushirilishi esa mintaqaviy transport tarmog‘ini yaxshilaydi va «mintaqaning iqtisodiy va ijtimoiy rivojlanishiga yangi turtki beradi».

Xuddi shu viloyatda baland ko‘priklar bo‘yicha oldingi jahon yetakchisi - Duke ko‘prigi (565 m) joylashgan bo‘lib, u Beypan daryosining irmog‘i oqib o‘tadigan dara orqali o‘tadi. Umuman olganda, Xitoy rasmiylarining ta’kidlashicha, Guychjou provinsiyasida dunyodagi eng baland 100 ta ko‘prikning deyarli yarmi joylashgan.