SMS’dan Telegram’gacha: Infobip mijozlar bilan muloqotda har bir rahbar bilishi kerak bo‘lgan asosiy tendensiyalar bilan o‘rtoqlashmoqda

2025 yili biznesda raqamli transformatsiya raqobatbardoshlikning asosiy omiliga aylandi. Datareportal ma’lumotlariga ko‘ra, O‘zbekiston aholisining taxminan 90 foizi internetdan foydalanadi va ularning ko‘pchiligi har kuni bir necha soatini onlayn o‘tkazadi. Mobil aloqa vositalari esa foydalanuvchilarga istalgan joyda va istalgan vaqtda yetib borish imkonini bergan holda, mijozlar bilan o‘zaro aloqada bo‘lishning markaziy vositasiga aylanmoqda. Ular orqali kompaniyalar marketing, savdo va qo‘llab-quvvatlashni birlashtirgan holda yagona va shaxsiylashtirilgan mijozlik tajribasini yaratishlari mumkin.

Omma uchun mo‘ljallangan, shaxsiylashtirilmagan xabarlar va haddan tashqari band koll-markazlar endi o‘tmishda qolmoqda. Ular o‘rnini esa mijozlar uchun qulay va samarali bo‘lgan, bir necha asosiy raqamli kanallar orqali olib boriladigan muloqotga asoslangan interaktiv formatlar egallamoqda.

Infobip kompaniyasi tomonidan  tahlil qilingan 530 milliarddan ortiq xabarlar shuni ko‘rsatdiki, mobil kommunikatsiyalar sifat jihatidan yangi, yetuk bosqichga o‘tmoqda. Oddiy xabar jo‘natishdan kompaniyalar mijozlar bilan to‘liq dialogga o‘tishyapti — tezkor, individual va foydalanuvchi uchun qulay bo‘lgan kanallar orqali.

WhatsApp’ning marketing vositasi sifatidagi o‘rni tobora ortib bormoqda, mijozlarni qo‘llab-quvvatlashni avtomatlashtirish va servis sifatini oshirish uchun esa sun’iy intellektga asoslangan yechimlar keng joriy etilmoqda. Biroq klassik vositalar — SMS va email — hanuz biryo‘la va tezkor aloqa uchun yetakchi o‘rnini saqlab qolmoqda.

O‘zbekistonda mijozlar bilan sifatli muloqotni ta’minlash uchun to‘rtta asosiy kanal — SMS, email, Telegram va WhatsApp’dan foydalanish muhim. Ulardan har biri kompleks kommunikatsion strategiyani shakllantirishda strategik ahamiyatga ega bo‘lib, imkoniyatlari, auditoriya xususiyatlari va qo‘llash ssenariylari nuqtayi nazaridan alohida e’tiborga loyiq.

SMS: barqarorlik va tezkorlik

· Internet sifati qanday bo‘lishidan qat’i nazar, muhim xabarlarni yetkazishning eng ishonchli usuli. 98% ochilish ko‘rsatkichi tufayli SMS-xabar deyarli darhol o‘qiladi.

· Tanqidiy muhim bildirishnomalarni yuborish, tranzaksiyalarni tasdiqlash, foydalanuvchilarni verifikatsiya qilish, bir martalik kirish kodlarini yetkazish hamda shoshilinch yoki eksklyuziv takliflar bo‘yicha o‘z vaqtida aloqa o‘rnatish uchun ideal vosita.

· Infobip kompaniyasining 800 dan ortiq bevosita telekommunikatsiya operatorlari bilan ulanishlari mavjud bo‘lib, bu dunyo bo‘ylab mobil telefon foydalanuvchilarining 100% gacha tez va xavfsiz qamrab olinishini ta’minlaydi hamda maksimal yetkazib berish darajasini kafolatlaydi.

Email: biznes uchun samarali uzoq muddatli munosabatlar

· Email mijozlar bilan manzilli muloqotda eng samarali va universal vositalardan biri bo‘lib qolmoqda. U muhim bildirishnomalar, shaxsiylashtirilgan takliflar, kompaniya yangiliklari va boshqa muhim ma’lumotlarni yetkazish uchun mos keladi. Email marketing ssenariylarini avtomatlashtirishda alohida ahamiyatga ega: masalan, «unutilgan savat» haqidagi eslatmalar kabi triggerli xabarlar yuqori darajada jalb qilishni ta’minlaydi va konversiyani oshirishga yordam beradi. O‘zining ishonchliligi, nazorat qilinishi va chuqur shaxsiylashtirish imkoniyati tufayli email mijoz auditoriyasi bilan ishonchni shakllantirish va uzoq muddatli munosabatlarni qurishda asosiy vosita hisoblanadi.

· Statista  ma’lumotlariga ko‘ra, 2024 yilda dunyo bo‘yicha email foydalanuvchilari soni 4,48 milliardni tashkil qilgan bo‘lib, 2027 yilga kelib bu ko‘rsatkich 4,85 milliardga yetishi kutilmoqda.

· Infobip professional domen nomini "qizdirish", jo‘natuvchi obro‘sini saqlash uchun ajratilgan IP-manzil va email manzillarni qat’iy tekshirish orqali yuqori yetkazib berish darajasiga ega bo‘lgan tez va xavfsiz email tarqatishni ta’minlaydi — bu esa xatlarni faqat mos va qiziqqan qabul qiluvchilarga yetkazishga imkon beradi.

Misol: Dunyoning yirik o‘yin giganti Nexon har kuni millionlab o‘yinchilar bilan muloqot qiladi. Email — ularning asosiy kommunikatsiya kanali bo‘lib, xatlarda o‘yinchilar tranzaksiyalar, aksiyalar va yangilanishlar haqida muhim ma’lumot oladi. Nexon o‘zining SMTP-serveridan Infobip kompaniyasining himoyalangan, moslashuvchan Email API va shaxsiy qo‘llab-quvvatlashga ega korporativ yechimiga o‘tdi. Infobip mutaxassislari domen "qizdirish" strategiyasini to‘g‘ri amalga oshirish, yetkazib berishni monitoring qilish va DMARC/DKIM sozlamalarini o‘rnatishni ta’minladi. Natijada yetkazib berish darajasi 98% gacha oshdi, mijozlarning qoniqish va sodiqlik darajasi (CSAT) ko‘paydi, bu esa qo‘llab-quvvatlash jamoasining vaqt va resurslarini sezilarli darajada tejash imkonini berdi.

Telegram: Ko‘pchilikning tanlovi

· Telegram mijozlar bilan ikki tomonlama muloqot o‘rnatish uchun universal vositadir. U foydalanuvchilarni qo‘llab-quvvatlashni tashkil etish, kelayotgan so‘rovlarni qayta ishlash va samarali lidlarni boshqarish uchun ideal. Qo‘shimcha ravishda, kanal bir martalik parollarni (OTP) yuborish uchun ishlatiladi, bu esa avtentifikatsiya xarajatlarini sezilarli kamaytiradi.

· O‘zbekistonda aholining taxminan 70%i Telegramdan foydalanadi, shuningdek, 96% mahalliy saytlar uni qo‘llab-quvvatlash va fikr-mulohaza olish uchun integratsiya qilgan.

· Foydalanuvchilarning 54%i Telegram orqali olinadigan ma’lumotlarga ishonadi. 

· O‘zbekistondagi Telegram foydalanuvchilarining 50% dan ortig‘i 25–44 yosh oralig‘ida bo‘lib, ular erta tongdan kechqurungacha faoliyat yuritadi.

· Infobip Telegram Gateway’dan foydalanib avtentifikatsiya kaskadini sozlashda yordam beradi va sizning Telegram kanalingizda chat-bot ishga tushirishni ta’minlaydi.

WhatsApp: Interfaktiv, marketing va foydalanuvchilarni qo‘llab-quvvatlash

· 2025 yil yakuniga ko‘ra marketing kommunikatsiyalari yetakchisi. Trafik 53% ga o‘sishi platformani nafaќat xabar yuborish va qo‘llab-quvvatlash uchun, balki chat-botlardan tortib sotuvlarni avtomatlashtirishgacha bo‘lgan moslashuvchan sun’iy intellekt yechimlarini joriy etish uchun asosiy kanalga aylantirdi.

· Platforma foydalanuvchilarni jalb qilish va ushlab turish uchun noodatiy interaktiv kampaniyalarni ishga tushirishga, mijozlar bilan chiquvchi kommunikatsiyani olib borishga va chat-botlar yordamida 24/7 yuqori darajadagi qo‘llab-quvvatlashni ta’minlashga imkoniyat beradi.

· Infobip WhatsApp’da sun’iy intellektdan foydalanish yoki puxta o‘ylangan ssenariylar asosida chat-botlar yordamida interaktiv va jalb qiluvchi mexanizmalarni yaratishda keng xalqaro tajribaga ega.

Misol: WhatsApp’dagi jalb qiluvchi mexanizm: Infobip Unilever uchun yangi maxsulotlar liniyasini ishga tushirishga mo‘ljallangan chat-botni ishlab chiqdi. Kampaniyaning asosiy e’tibori mijozlar bilan to‘g‘ridan-to‘g‘ri dialogga qaratildi: media reklama foydalanuvchilarni QR-kod orqali «Men sizga sevimli kiyimingizni qaytaraman!» shiori bilan botga yo‘naltirdi. Chat-bot buyumlarni parvarishlash bo‘yicha maslahatlar, interaktiv kontent va shaxsiy takliflar bilan bo‘lishdi. Shaxsiy aloqalar va yuqori jalb qilish tufayli rejalashtirilgan ko‘rsatkichlardan ancha oshib ketildi: birinchi 12 soatda bot 6500 dan ortiq foydalanuvchini jalb qildi, aksiya davomida esa savdo 14 baravar o‘sdi. Unilever mijozlar bilan to‘g‘ridan-to‘g‘ri muloqot uchun chat-botdan faol foydalanishda davom etmoqda.

SUN’IY INTeLLeKT — samaradorlik, interaktivlik va avtomatlashtirish

· Sun’iy intellekt texnologiyalari biznesga murakkab muloqot ssenariylarini ishga tushirishga imkon beradi, bunda mijozlarni jalb qilish mexanikasi kundalik vazifalarning avtomatlashtirilishi bilan uyg‘unlashadi.

· Infobip doimiy ravishda o‘z sun’iy intellekt yechimlarini takomillashtirib, ularning funksiyalarini kengaytiradi va mijozlar bilan o‘zaro aloqaning samaradorligini oshiradi. Infobip texnologiyalarining asosiy afzalliklari qatorida javoblar aniqligi 95% dan yuqori, turli sun’iy intellekt modellari mavjudligi, kamida xatoliklar (gallyutsinatsiyalar) va suhbatdosh tilini avtomatik aniqlash bor, bu esa maksimal darajada tabiiy va shaxsiylashtirilgan dialogni ta’minlaydi.

Sug‘urta kompaniyasi LAQO misolida sun’iy intellektni foydalanuvchilarni qo‘llab-quvvatlashda joriy etish: murojaatlarning 30% gacha qismini sun’iy intellekt yordamchisi qayta ishlaydi va oddiy so‘rovlarni tezkor hal qiladi. Infobip bilan hamkorlikda ishlab chiqilgan Pavle yordamchisi WhatsApp’da 24/7 javob beradi, sug‘urta holatlarini rasmiylashtirish va zarur ma’lumotlarni taqdim etishda darhol yordam beradi, murakkab savollar yuzaga kelganda esa muloqotni Infobip platformaci asosidagi LAQO ko‘pkanalli kontakt markazidagi jonli agentga uzatadi.

Zamonaviy kommunikatsiya kanallarining imkoniyatlarini biznesda to‘liq amalga oshirishga qanday to‘siqlar to‘sqinlik qiladi?

Mobil xabarlar va raqamli platformalarning imkoniyatlari o‘sib borayotganiga qaramay, ko‘plab kompaniyalar mijozlar bilan haqiqatan samarali kommunikatsiya tizimini yaratishni qiyinlashtiradigan muhim qator muammolarga duch kelmoqda.

Eng avvalo, kanallar va platformalar sonining tez o‘sishi sharoitida yagona, izchil mijoz tajribasini tashkil etish strategik rejalashtirish va integratsiyani talab qiladi. Yagona ekotizimning yo‘qligi kommunikatsiyaning parchalanishiga, ma’lumotlarning bo‘linishiga va mijozlarning qoniqish darajasining pasayishiga olib keladi.

Axborot xavfsizligi masalalari muhim omil bo‘lib qolmoqda. SMS orqali phishing, sun’iy ravishda oshirilgan trafik va spam kabi tahdidlar moliyaviy yo‘qotishlar xavfini oshiradi, biznes jarayonlarining yaxlitligini buzadi va iste’molchilar ishonchini zaiflashtiradi. Bundan tashqari, kompaniyalar mintaqaviy ma’lumotlarni himoya qilish qoidalariga qat’iy rioya qilishlari shart bo‘lib, bu kommunikatsiya yechimlarining arxitekturasini sezilarli darajada murakkablashtiradi.

Ko‘plab, ko‘pincha parchalanib ketgan tizimlarni integratsiyalash — omnikanal mijoz tajribasiga erishish yo‘lidagi yana bir asosiy muammo hisoblanadi. Amaliyotda aksariyat kompaniyalar parallel kanallarda faoliyat yuritadi, ular orasida haqiqiy sinergiyaga erisha olmaydi. Natijada, strategik jihatdan e’lon qilingan omnikanal konsepsiyasi faqat deklaratsiya bo‘lib qoladi — foydalanuvchilar parchalanib ketgan xizmat oladi, kompaniya esa mijozning butun hayotiy siklni samarali boshqarish imkoniyatini yo‘qotadi.

Bu qiyinchiliklarni qanday yengib o‘tish mumkin?

Samarali kommunikatsiyalarga erishish yo‘li strategik jarayonlarni optimallashtirish va barcha kanallarda uzluksiz integratsiya hamda yuqori darajadagi xavfsizlikni ta’minlay oladigan zamonaviy texnologik platformalarga investitsiyalar kiritishdan o‘tadi. Muhimi — mashhur messenjerlar va an’anaviy kanallarda faqat mavjud bo‘lib qolmasdan, mijoz bilan har bir aloqa bosqichida shaxsiylashtirilgan va muvofiqlashtirilgan yagona, yaxlit muloqot tizimini shakllantirishdir.

Kompleks raqamli kommunikatsiya yondashuvini tanlagan kompaniyalar mijoz ma’lumotlari bilan yanada moslashuvchan ishlash, operatsiya xarajatlarini kamaytirish va auditoriya ishonchini oshirish orqali foyda ko‘radi.

Zamonaviy Infobip kommunikatsiya platformasi biznesning mijozlar bilan barcha muloqot kanallarini xalqaro standartlarga javob beradigan yagona xavfsiz muhitda birlashtiradi. Markazlashtirilgan boshqaruv, muloqotlarning uzluksiz tarixchasi va kengaytirilgan tahlil kompaniyalarga kommunikatsiyalar ustida to‘liq nazoratni va har bir mijozni chuqur tushunishni ta’minlaydi, shu bilan mijoz tajribasini doimiy optimallashtirish va rivojlantirishga imkon beradi.

Reklama huquqi asosida