Infobip 2026 yil uchun muhim trendlarni taqdim etdi, ular mijozlarga xizmat ko‘rsatish va raqamli ekotizimlar rivojlanishini tubdan o‘zgartirishi kutilmoqda

Global bulutli kommunikatsiya platformasi Infobip 2026 yil bo‘yicha o‘z taxminlarini taqdim etdi. Kompaniya biznesning mijozlar bilan qanday o‘zaro aloqada bo‘lishi va turli sohalarda qanday faoliyat yuritishiga ta’sir qiladigan muhim o‘zgarishlarni qayd etmoqda.

Ushbu o‘zgarishlarning asosiy drayverlari:

sun’iy intellekt agentlarining ommaviy ishlatilishi,

superilovalarning yagona raqamli ekotizim sifatida jadal rivojlanishi,

maxfiylik va keng ko‘lamli avtomatlashtirishga yo‘naltirilgan sun’iy intellekt modellarining rivojlanishi.

Infobip bahosiga ko‘ra, 2026 yil generativ sun’iy intellekt va omnikanal kommunikatsiyalar birgalikda mijoz tajribasining yangi standartini shakllantiruvchi burilish nuqtasiga aylanadi. Chakana savdo va eCommerce allaqachon giperpersonalizatsiyalangan xizmatlarni yaratishda yetakchilik qilmoqda, sog‘liqni saqlash va moliya sohalari esa xizmat sifati va xavfsizlikni oshirish uchun SI yechimlarini jadal joriy etmoqda. Shu bilan birga Infobip fikricha, mijozlarga xizmat ko‘rsatishning kelajagi human-in-the-loop modelidir, bunda SI-avtomatlashtirish inson ekspertligini to‘ldiradi, uni almashtirmaydi va samaradorlik bilan birga empatiyani ham ta’minlaydi.

Infobipʼning asosiy taxminlaridan biri — mijozlar bilan kommunikatsiyalarning deyarli to‘liq avtomatlashtirilishi. Kompaniya bahosiga ko‘ra, 2026 yilga borib SI-agentlar mijozlar bilan o‘zaro aloqalarning 95 foizigacha bo‘lgan qismini qayta ishlaydi. Bu endilikda faqat skriptlar bilan cheklangan odatiy FAQ-botlar haqida emas. Raqamli yordamchilarning yangi avlodi — bu avtonom dialog olib bora oladigan, kontekst va mijoz tarixini tushunuvchi, eng muhimi esa shunchaki javob berib qolmay, real harakatlarni bajara oladigan murakkab agent modellaridir. Ular mustaqil ravishda qaytarib berishni rasmiylashtirish, yetkazib berish parametrlarini o‘zgartirish, kartalarni bloklash, qabul vaqtlarini ko‘chirish va jonli operator bajarganidek, keyingi kommunikatsiyalarni boshlash imkoniyatiga ega bo‘ladi.

Alohida e’tibor kontakt-markazlar faoliyatining qanday o‘zgarishiga qaratilmoqda. Intellektual chat-botlar bugunning o‘zidayoq bank sohasida va onlayn savdoda standart so‘rovlarni o‘z zimmasiga olmoqda: balansni tekshirish va tranzaksiya holatini aniqlashdan tortib, yetkazib berishni kuzatishgacha. Keyingi bosqich — bu qo‘ng‘iroqlarni qabul qila oladigan, muloqotni tabiiy tarzda olib borishi, tafsilotlarni aniqlashtirishi, yechim variantlarini taklif qilishi va mijozni identifikatsiya qilishi mumkin bo‘lgan ovozli SI-botlarni rivojlantirishdir. Bunday transformatsiya operatorlarni ortiqcha yukdan xalos etib, rutini vazifalarni SI’ga topshiradi va ularga murakkab, noodatiy yoki eng daromadli vazifalarga e’tibor qaratish imkonini beradi, biznesga esa xarajatlarni kamaytirish, xizmat ko‘rsatish tezligi va sifatini bir vaqtda oshirishga yordam beradi.

Shu bilan birga, super-ilovalar va messenjerlar deb ataluvchi platformalarning jadal rivojlanishi ham davom etmoqda. Infobip prognozlariga ko‘ra, WhatsApp va Telegram kabi platformalar uzluksiz mijoz ssenariylarini shakllantirishda tobora muhimroq rol o‘ynaydi. Ular oddiy xabar almashish kanallaridan foydalanuvchi butun yo‘lni — birinchi aloqadan tortib to‘lov va post-servisgacha — muloqot oynasini tark etmagan holda bosib o‘tishi mumkin bo‘lgan to‘liq raqamli makonlarga aylanmoqda.

Riteylerlar allaqachon WhatsApp va Telegram’dan interaktiv xabarlar yuborish uchun foydalanmoqda: bunda mijoz mahsulotlarni kartochkalar ko‘rinishida ko‘rib chiqishi, parametrlarni tanlashi, buyurtmani rasmiylashtirishi va yetkazib berishni bevosita chat interfeysda belgilashi mumkin. Sog‘liqni saqlash sohasida shifokor qabuliga yozilish, tashrifni ko‘chirish, eslatmalar olish va hisoblarni messenjerlar, jumladan, WhatsApp orqali to‘lash ssenariylari tobora ommalashmoqda. Moliyaviy tashkilotlar esa operatsiyalar bo‘yicha xavfsiz muloqot qilish, shaxsiylashtirilgan takliflarni yuborish va tranzaksiyalarni tasdiqlashni soddalashtirish uchun multimedia xabar formatlaridan foydalanmoqda.

Foydalanuvchilar uchun bu — minimal noqulaylik va alohida ilovalarni yuklab olish yoki murakkab interfeyslarni o‘rganishga hojat yo‘qligini anglatadi, brendlar uchun esa mijozni qulay va allaqachon tanish bo‘lgan kanal ichida ushlab qolish imkoniyatidir.

Ma’lumotlarni boshqarish — SI asosidagi yechimlar uchun eng katta muammo

Sun’iy intellektdagi ko‘plab yutuqlar yirik, universal modellar bilan bog‘liq bo‘lsa-da, bugun yanada ixcham modellarga ham qiziqish ortib bormoqda. Birinchilari murakkab va ko‘p vazifali ssenariylar uchun mos bo‘lsa, ikkinchilari aniq va tor doiradagi vazifalarni bajarishda samaraliroq. Har ikkala turdagi modellarga kirish imkoniga ega bo‘lish ularning kuchli jihatlaridan to‘liq foydalanish va aniq, kontekstga bog‘liq javoblar olish uchun muhimdir. Bu ayniqsa multiagent tizimlar bilan ishlashda dolzarb hisoblanadi. Ilg‘or SI texnologiyalari duch kelayotgan eng katta muammo — bu ma’lumotlar: mijozlarga xizmat ko‘rsatish sifatini oshirish uchun ichki va mulkiy ma’lumotlarni qanday samarali yig‘ish, birlashtirish, tayyorlash va faollashtirish masalasi.

Infobip kompaniyalarga ma’lumotlar parokandaligini bartaraf etish, ilg‘or avtomatlashtirish va uzluksiz mijoz ssenariylarining to‘liq salohiyatini ochishga yordam beradi.

Asosiy e’tibor quyidagilarga qaratilgan:

turli ichki tizimlardan keladigan ma’lumotlarni orkestratsiya qilish,

tezkor, aniq va xavfsiz javoblarni ta’minlash,

mijoz bilan o‘zaro aloqaning har bir bosqichida shaxsiylashtirilgan takliflarni shakllantirish.

Shu bilan birga, bozor yetakchilari yangi yechimlarni imkoniyat qadar tezroq joriy etishdan ko‘ra, xavfsizlik va talablarga muvofiqlikni ustuvor deb biladi — bu foydalanuvchilarni himoya qilish va ishonchni mustahkamlash uchun muhimdir.

2026 yil arafasida Infobip kompaniyalarga yangi o‘sish nuqtalarini topish va o‘zgarib borayotgan raqamli dunyoda pozitsiyalarini mustahkamlashda yordam bermoqda.

Infobip taxminlarida raqamli xizmat ko‘rsatishda inson rolini saqlab qolish masalasiga alohida urg‘u beriladi. Human-in-the-loop modeli SI’ning insonlar bilan raqobatlashmasdan, balki ularni “kuchaytiruvchi” sifatida ishlashini nazarda tutadi. Avtomatlashtirish masshtab va aniqlikni ta’minlasa, inson empatiya, murakkab qarorlar uchun mas’uliyat va nostandart holatlar bilan ishlashni o‘z zimmasiga oladi. Bunday yondashuvda SI nafaqat operatorlarni yengillashtiradi, balki ularga yordam ham beradi: javob variantlarini taklif qiladi, keyingi qadamlarni ko‘rsatadi, mijoz va uning avvalgi murojaatlari haqidagi ma’lumotlarni tezda taqdim etadi. Bu so‘rovlarni qayta ishlashni tezlashtiradi va xizmat sifatini oshiradi, mijoz uchun esa “jonli muloqot” hissini saqlab qoladi.

Bu jarayonda Infobipʼning vazifasi — shunchaki texnologiyalik yechimlarni taklif qilish emas, balki hamkorlar va mijozlar bilan birgalikda mijozlar bilan o‘zaro aloqaning yangi raqamli modellarini yaratishdir. Kompaniya SI-agentlar bilan pilot loyihalardan tortib, mijoz tajribasining butun arxitekturasini qamrab oluvchi keng ko‘lamli transformatsiyalargacha bo‘lgan hamkorlikda yechim yaratish yondashuviga tayanadi.

2026 yilga borib SI-agentlar, super-ilovalar va ma’lumotlarning chuqur integratsiyasi “kelajak texnologiyalari” sifatida emas, balki har qanday raqamli biznesning asosiy vositalari sifatida qabul qilinish mumkin. Bugunoq ma’lumotlar, kanallar va xizmat ko‘rsatishda inson rolini qayta ko‘rib chiqayotgan brendlar nafaqat bozor ortidan ergashadi, balki uning rivojlanish yo‘nalishini belgilash imkoniyatiga ega bo‘ladi.

Infobip sizning biznesingizda kommunikatsiyalarini raqamli transformatsiya qilish yo‘lida yordam berishdan mamnun bo‘ladi.

Reklama huquqi asosida