O‘zbekistonda biznes mijozga qanday yaqin bo‘lishi mumkin: Infobipʼning jahon tajribasi

Tezkor raqamli transformatsiya davrida brend va iste’molchi o‘rtasidagi muloqot birinchi o‘ringa chiqib, raqobatbardoshlikning asosiy omillaridan biriga aylanmoqda. Bugun mijozlar biznesdan maksimal qulaylikni kutishadi: zudlik bilan va xavfsiz avtorizatsiya, so‘rovlarga tezkor javoblar, shaxsiylashtirilgan takliflar va o‘zlari uchun odatiy bo‘lgan kanallarda — messenjerlarda, mobil ilovalarda yoki ijtimoiy tarmoqlarda muloqot qilish imkoniyati. Bunday servis endi shunchaki qo‘shimcha emas, balki kompaniyaning bozordagi yuqori sadoqati va muvaffaqiyatining asosi hisoblanadi.

Bu transformatsiya O‘zbekistonda ham ro‘y bermoqda, bu yerda iste’molchilar tobora talabchan va tanlovchan bo‘lib bormoqda, brendlar esa mijozlar yo‘lining barcha bosqichlarida eng yaxshi tajribani ta’minlashga intilmoqda.

Foydalanuvchilar bilan barcha aloqa kanallarini samarali boshqarish uchun tajribali texnologik hamkorning yordami zarur. Infobip — dunyodagi yetakchi kommunikatsiya kompaniyasi bo‘lib, 70 dan ortiq mamlakatda, jumladan, O‘zbekistonda ham ofislarga ega. U biznes uchun mijozlar bilan to‘liq o‘zaro aloqalar siklini yagona interfeysda qurish imkonini beruvchi ishonchli platformani taklif etadi: foydalanuvchilarni xavfsiz autentifikatsiya qilishdan tortib, avtomatlashtirilgan marketing kommunikatsiyalarini ishga tushirish va mijozlarga barcha raqamli kanallarda xizmat ko‘rsatishgacha. Uzluksiz analitika, biznes tizimlari bilan integratsiyalar, AI-assistentlar va yagona o‘zaro aloqalar tarixi har bir kontaktni ongli, shaxsiylashtirilgan muloqotga aylantirishga yordam beradi, bu esa savdolar o‘sishiga, mijozlar sodiqligining oshishiga va har bir mijozdan olinadigan daromadning ko‘payishiga olib keladi.

Infobip mahsulotlarini joriy etish O‘zbekistondagi kompaniyalar uchun yangi imkoniyatlarni ochadi. Ular mijozlarga xizmat ko‘rsatish sifatini oshirish, xarajatlarni optimallashtirish va auditoriya ishonchini mustahkamlashga qaratilgan. Platforma istalgan sohaga osongina moslashadi — moliya sektori, transport, tibbiyot, retail yoki yirik e-commerce maydonchasi bo‘lishidan qat’i nazar. Infobip yechimlari masshtablashuvchan: biznes ehtiyojlariga qarab bitta mahsulotdan boshlash va asta-sekin funksionallikni kengaytirish mumkin.

Bank sohasidagi samarali raqamli transformatsiya namunasiga Braziliyaning fintex-innovatatori UME aylandi. Xizmatlariga talab ortishi bilan UME mijozlar bilan kommunikatsiyalarni kengaytirishda qiyinchiliklarga duch keldi. Qo‘llab-quvvatlashni uzoq kutish xizmat ko‘rsatish sifatini va sodiqlik darajasini pasaytirardi, ayniqsa qarzdorlikni undirish kabi muhim jarayonlarda.

Infobip UME uchun mijozlar yo‘lining barcha bosqichlarida — ro‘yxatdan o‘tishdan tortib foydalanuvchini kompleks qo‘llab-quvvatlashgacha — segmentatsiya va avtomatlashtirishni muvaffaqiyatli joriy qildi. Natijada yakunlangan ro‘yxatdan o‘tishlar soni 28% ga oshdi. Qo‘shimcha ravishda WhatsApp va RCS orqali ishlovchi AI asosidagi chat-bot ishlab chiqilib, integratsiya qilindi. Endilikda UME mijozlari kredit limitini osongina bilib olishlari, istalgan savollarga javob olishlari va qarzdorlikni ko‘rishlari mumkin, buning uchun kol-sentrga murojaat qilish shart emas. Bu nafaqat mijozlarning hayotini yengillashtirdi, balki operatorlarga tushadigan yukni kamaytirdi hamda yangi texnologik darajada tezkor va haqiqatan ham sifatli xizmat ko‘rsatishni ta’minladi. Chat-bot orqali murojaatlarning 80% gacha bo‘lgan qismi operatorlarga o‘tkazilmasdan hal etilmoqda.

Onlayn-savdo sohasida savdo voronkasi barcha bosqichlarida platformaning darhol javob qaytarishi juda muhim: bitta yetkazilmagan avtorizatsiya kodi ham foydaning boy berilishiga olib kelishi mumkin. Infobip bir necha yillardan beri Afrikaning eng yirik eCommerce platformasi — Jumia’ning hamkori bo‘lib, foydalanuvchilarni avtorizatsiya qilish uchun ishonchli SMS OTP yuborilishini ta’minlab kelmoqda. Biznesning o‘sishi va tranzaksiyalar hajmining ortishi bilan autentifikatsiya xarajatlari ham tez sur’atlarda o‘sdi. Infobip bilan hamkorlikda kompaniya kaskadli yechimni joriy qildi: endi OTP-kodlar mijozlarga avval mintaqada eng mashhur messenjerlar — WhatsApp va Viber orqali yuboriladi, internet ulanishi bo‘lmagan taqdirda esa avtomatik tarzda SMS orqali yetkaziladi. Bunday ko‘p bosqichli strategiya Jumia’ga asosiy mamlakatlarda OTP yetkazib berish xarajatlarini 54% ga kamaytirish, shu bilan birga xavfsizlik, kodlarning yetkazib berilish darajasi va foydalanuvchilar uchun qulaylikni yuqori darajada saqlab qolish imkonini berdi.

Yana bir soha, mijozlar bilan barcha o‘zaro aloqalarni boshqarishda ishonchli hamkor zarur bo‘lgan yo‘nalish — bu sog‘liqni saqlashdir. Bugungi kunda bemorlar tibbiyot muassasalaridan yuqori darajadagi xizmatni kutishadi — shaxsiy kabinetga avtorizatsiyadan tortib qabulga yozilish, tahlil natijalarini olish va shifokor bilan onlayn maslahatlashuvgacha. Braziliyaning eng yaxshi 5 klinikasidan biri bo‘lgan Alemão Oswaldo Cruz gospitali tarmoq kengayishi va bemorlarning murojaatlari soni ortishi fonida kommunikatsiyalarni avtomatlashtirish uchun Infobipʼni tanladi. Chunki bemorlar uzoq kutish vaqtlariga duch kelishar, operatorlarning qo‘lda so‘rovlarni qayta ishlashi esa tezkor xizmat ko‘rsatish va masshtablashuvga xalaqit berardi.

Infobip bilan hamkorlikda yagona kommunikatsiyalarni boshqarish tizimi yo‘lga qo‘yildi: qabulga yozilish va tashriflarni ko‘chirish jarayonlari avtomatlashtirildi, chat-botlar yordamida xabarnomalar yo‘lga qo‘yildi, WhatsApp, SMS va RCS tizimlari CRM hamda elektron kasallik tarixi bilan integratsiya qilindi. Endilikda bemorlar mavjud raqamli kanallar orqali tekshiruv uchun qulay vaqtni oson tanlashlari, o‘z vaqtida bildirishnomalar, shaxsiylashtirilgan taklif va tavsiyalar olishlari mumkin, barcha ma’lumotlar esa qayta kiritish va liniyada kutishsiz qayta ishlanadi. Onlayn-kanallar orqali yozilish 82% ga oshdi, bemorlar uchun javob kutish vaqti esa 60% dan ortiq qisqardi.

Avtomatlashtirish va qo‘lda ishlov berishni kamaytirish hisobiga operatsion xarajatlar ham pasaydi. Infobip mahsulotlarini joriy etish klinikaga xizmat sifatini oshirish bilan birga yangi raqamli yetuklik darajasiga chiqishga, bemorlarning ishonchi va sodiqligini mustahkamlashga yordam berdi, hatto biznes masshtablashuvi sharoitida ham.

Bu misollar shuni yaqqol ko‘rsatadiki, o‘ylangan va to‘g‘ri yo‘lga qo‘yilgan kommunikatsiyalarni boshqarish strategiyasi — yagona hamkor orqali, AI chat-botlarini joriy etish va dialog kanallaridan foydalanish bilan — yangi standartga aylanmoqda. Mijozlar ularni tushunishni, eslab qolishni va tezkor, shaxsiylashtirilgan hamda ular uchun qulay formatda xizmat ko‘rsatilishini xohlashadi. Infobip esa buni amalga oshirish imkonini beradi, biznesni foydalanuvchilar bilan o‘zaro aloqalarni modernizatsiya qilishga tayyor bo‘lgan sharoitda masshtablashuvchan, xavfsiz va to‘liq moslashuvchan yechimlarni taklif etadi.

Biznesingiz imkoniyatlarini strategik kommunikatsion hamkor — Infobip bilan kengaytiring.

Reklama huquqi asosida