Filippinda yaqinlashib kelayotgan tayfun sababli qariyb bir mln kishi evakuatsiya qilindi

Ayni paytda Filippinda avvalroq yuz bergan "Kalmaegi" tayfuni oqibatlari bartaraf etilmoqda. Tabiiy ofat oqibatida mamlakatda 224 kishi halok bo‘lgan.

Foto: Daniel Ceng/Anadolu via Getty Images

Filippinda yaqinlashib kelayotgan "Fung-Vong" tayfuni sababli qariyb bir mln kishi xavfsiz joylarga ko‘chishga majbur bo‘ldi, deb xabar berdi South China Morning Post.

Hukumat vakillarining ma’lumot berishicha, Luson orolining ayrim hududlarida jalalar yog‘ishi boshlangan. Ob-havoning yomonlashishi oqibatida 400ta aviareys bekor qilingan, ishxona va ta’lim muassasalari vaqtinchalik yopilgan.

Shamolning tezligi soatiga 230 km.ga yetgan. Bugun tunda tayfun Lusonning sharqiy sohilidagi Aurora provinsiyasiga yetib kelishi kutilmoqda.

Mamlakatning markaziy va janubi sharqiy qismlarida eng yuqori – beshinchi darajadagi xavf e’lon qilingan.

Ayni paytda Filippinda avvalroq yuz bergan "Kalmaegi" tayfuni oqibatlari bartaraf etilmoqda. Tabiiy ofat mamlakatda 224 kishining umriga zomin bo‘ldi.