Saida Mirziyoyeva Nukusdagi yangi Karakalpak Palace Hotel mehmonxonasi bilan tanishdi

Saida Mirziyoyeva ma’lum qilishicha, Nukusda xalqaro standartlar asosida barpo etilgan yangi Karakalpak Palace Hotel mehmonxonasi bilan tanishuv amalga oshirilgan. Uning ta’kidlashicha, bunday loyiha hudud tadbirkorlariga berilgan imtiyoz va yengilliklar samarasida amalga oshgan.

Postda qayd etilishicha, Qoraqalpog‘iston O‘zbekistonning eng jozibali sayyohlik yo‘nalishlaridan biri hisoblanadi. Shu bois bu yerda mehmonlar va investorlarni jalb qilish uchun qo‘shimcha sharoitlar yaratish, zamonaviy infratuzilmani rivojlantirish muhim ahamiyat kasb etadi.

Saida Mirziyoyevaga ko‘ra, yangi mehmonxona kabi loyihalar hududga sayyohlar oqimini oshirish, turizm salohiyatini namoyon etish va tadbirkorlik muhitini yanada yaxshilashga xizmat qiladi.