ChatGPT ichida reklama paydo bo‘ldi, hatto premium obunachilar ham uni ko‘ryapti

ChatGPT foydalanuvchilari suhbat vaqtida reklama bannerlari chiqayotganini ayta boshladi. Noyabrda servis kodida reklamaga oid belgilar topilgandi, hozir esa e’lonlar turli davlatlardagi yuzerlarda ko‘rinishi bilan tasdiqlanyapti.

Foto: Getty images

Qizig‘i shundaki, reklama hatto premium hisoblarga ega odamlarda ham chiqyapti. Pro obunasi bor foydalanuvchilar ham bundan chetda qolmagan. TechRadar yozishicha, AQSh va Buyuk Britaniyadagi yuzerlar bu holatni ko‘proq uchratyapti. E’lonlar har doim chiqmaydi, lekin Plus yoki Pro obunasi ularni to‘liq yo‘q qilmaydi.

Ijtimoiy tarmoqlarda bu qarorga nisbatan norozilik kuchaydi. Ko‘pchilik reklama suhbat mavzusi bilan bog‘liq emasligini aytib, bunda haqiqiy reklamadan boshqa narsa yo‘qligini ta’kidlayapti. OpenAI bu vaziyatga hali izoh bermadi.

Texnologiyalar tez o‘zgarayotgan bugungi kunda eng so‘nggi yangiliklardan xabardor bo‘lish muhim. Raqamli dunyoda adashib qolmaslik va shunday yangiliklarni birinchilardan bilish uchun KUN.UZ Texnologiya Telegram sahifasini kuzatib boring.

Tayyorlagan: Аббос Юсуфжонов

#reklama #ChatGPT