Nukus va Samarqand YuNESKOning Global ta’lim shaharlari tarmog‘iga qo‘shildi

YuNESKO Nukus va Samarqand shaharlari tashkilotning Global ta’lim shaharlari tarmog‘iga qo‘shilganini e’lon qildi.

YuNESKOning Global ta’lim shaharlari tarmog‘i dunyoning dinamik shaharlarini birlashtiradi, ularda ta’lim kundalik hayotning ajralmas qismi hisoblanadi - maktablarda, ish joylarida, kutubxonalarda, uylarda va jamoat joylarida.

Tashkilot qaroriga ko‘ra, dunyoning 45 mamlakatidan 70 ta nomzod shahar ushbu tarmoqqa kiritildi.

Global tarmoqning vazifasi a’zo shaharlar o‘rtasida muloqot va o‘zaro ta’limni rag‘batlantirish, aloqalarni yo‘lga qo‘yish, sheriklik munosabatlarini mustahkamlash, ushbu sohadagi yutuqlarni rag‘batlantirish va umr davomida ta’lim olish amaliyotini qo‘llab-quvvatlashdan iborat.