Tramp navbatdagi nishon Meksika bo‘lishi mumkinligiga sha’ma qildi

Donald Tramp Meksikani prezident emas, narkokartellar boshqarayotganini ta’kidladi.

Foto: Anna Moneymaker / Getty Images

AQSh prezidenti Donald Tramp Fox News telekanali orqali chiqishi chog‘ida Venesueladan so‘ng Meksika bilan ham shug‘ullanishiga to‘g‘ri kelishi mumkinligini aytdi.

«Meksika prezidenti yaxshi ayol, lekin mamlakatni boshqarmayapti. Meksikani kartellar boshqaryapti», — dedi u.

Oq uy rahbari ushbu vaziyatda nimadir qilishiga to‘g‘ri kelishini aytdi.

3 yanvar kuni ommaviy axborot vositalarida AQSh Venesuela hududida harbiy zarbalar berganini, Karakasda portlashlar, pastdan uchgan havo kemalari ovozi, qora tutun va ayrim joylarda elektr uzilishi qayd etilgani xabar qilindi.

Keyinroq AQSh prezidenti Donald Tramp Truth Social’da Maduro va uning rafiqasi “qo‘lga olinib, mamlakatdan olib chiqib ketilgani”ni yozdi.

Tayyorlagan: Дилшодбек Асқаров

#AQSh #Meksika #Donald Tramp

2026 yil 3 yanvar kuni soat 02:00 - 04:30 oralig‘ida AQSh kuchlari Venesuela hududida maxsus amaliyot o‘tkazib, mamlakat prezidenti Nikolas Maduro va uning rafiqasini o‘g‘irlab ketdi.