AQSh va Isroil harbiy-havo kuchlari Eron aviabazalarining yarmidan ko‘pini ishdan chiqardi

Aviabazalardagi qiruvchi samolyotlar, transport samolyotlari, havo hujumidan mudofaa pozitsiyalari, angarlar, omborlar yo‘q qilingani va uchish-qo‘nish yo‘laklariga zarar yetkazilgani ta’kidlanmoqda.

Foto: Getty images

AQSh va Isroil aviatsiyasi harbiy operatsiya boshlanganidan beri Eronning 18 ta asosiy aviabazasidan 10 tasini ishdan chiqardi, deb xabar berdi Isroilning «Alma» mudofaa tadqiqot markaziga tayanib «Interfaks».

Ular orasida Tehronning Mehrobod aeroportida, Tabriz, Sheroz, Konarak, Isfaxon, Kirmonshoh va Zahadonda joylashgan eng yirik aviabazalar bor, bu esa Eronning taktik aviatsiyasidan foydalanish qobiliyatini sezilarli darajada pasaytirdi.

Ta’kidlanishicha, AQSh-Isroil zarbalari oqibatida aviabazalardagi qiruvchi samolyotlar, transport samolyotlari, havo hujumidan mudofaa pozitsiyalari, angarlar, omborlar yo‘q qilindi va uchish-qo‘nish yo‘laklariga zarar yetkazildi.

Bundan tashqari, asosiy aviabazalardan tashqari, Eronning taktik aviatsiyasi foydalanishi mumkin bo‘lgan to‘qqizta aerodromi ham zarbaga uchragan.

AQSh va Isroil 28 fevraldan beri Eronga qarshi harbiy operatsiya o‘tkazmoqda.

Tayyorlagan Сардор Юсупов

#AQSh #Eron #Isroil

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.