Rossiyada Telegram'da reklama joylashtirish noqonuniy deb ataldi

Rossiya Federal antimonopoliya xizmatiga ko‘ra, ushbu platformada reklama joylashtirish reklama qonunchiligini buzish hisoblanadi, buning uchun reklama beruvchi ham, reklama tarqatuvchi ham javobgar bo‘ladi.

Foto: RIA Novosti

Telegram'da reklama joylashtirish qonunbuzarlik hisoblanadi, chunki messenjerga kirishni cheklash choralari ko‘rilmoqda, deb xabar berdi Rossiya Federal antimonopoliya xizmati (FAS).

«Telegram messenjeriga kirishni cheklash bo‘yicha choralar ko‘rilishi munosabati bilan FAS ushbu platformada reklama joylashtirishda reklama qonunchiligini buzish belgilarini ko‘radi, buning uchun reklama beruvchi ham, reklama tarqatuvchi ham javobgar bo‘ladi», deyiladi xabarda.

2025 yil yozida «Roskomnadzor» Telegram'dagi qo‘ng‘iroqlar cheklangani haqida xabar berdi, vazirlik buni messenjerdan aldash, pul undirish, shuningdek, rossiyaliklarni qo‘poruvchilik va terrorchilik faoliyatiga jalb qilish uchun foydalanilayotgani bilan bog‘ladi. 2026 yil fevral oyi boshida Telegram faoliyatini sekinlashtirish bo‘yicha ishlarni boshlash to‘g‘risida qaror qabul qilindi.

Fevral oyi oxirida rasmiylar Telegram'ni bloklash muddatini aniqlagani va aprel oyining birinchi kunlarida ushbu chorani qo‘llash imkoniyatini ko‘rib chiqayotgani ma’lum bo‘ldi. Muhokama qilingan sabablar qatorida ular so‘nggi paytlarda odamlarni, jumladan, voyaga yetmaganlarni noqonuniy xatti-harakatlar sodir etish uchun yollash holatlari ko‘payib borayotgani ta’kidlandi.