Avtobusda gashish sotmoqchi bo‘lgan haydovchi qo‘lga olindi

“Xavfsiz va sog‘lom yurt” keng ko‘lamli tezkor-profilaktika oyligi doirasida Nurafshon shahar ichki ishlar bo‘limi tezkor xodimlari tomonidan giyohvandlik bilan bog‘liq jinoyat aniqlandi.

Nurafshon shahrida jamoat transporti haydovchisi bo‘lib ishlovchi shaxs Bobur ko‘chasida boshqaruvidagi xizmat avtobusi ichida shartli xaridorga 2 dona polietilen o‘ramdagi gashish giyohvandlik vositasini 400 ming so‘mga sotgan vaqtida ashyoviy dalil bilan ushlandi.

Tadbir davomida uning yonida hamda boshqaruvidagi avtobusda yana 9 ta o‘ramda, jami 11 o‘ramda 5 gr gashish giyohvandlik vositasi sotish maqsadida saqlab kelinganligi aniqlanib, protsessual tartibda rasmiylashtirib olindi.

Holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari olib borilmoqda.