Saida Mirziyoyeva Xorazmda prezident qarorlari ijrosini o‘rgandi

Prezident Administratsiyasi rahbari Saida Mirziyoyeva 27 aprel kuni Xorazmda bo‘ldi va prezidentning viloyatni ijtimoiy rivojlantirishga qaratilgan qarorlari ijrosini o‘rganayotganini ma’lum qildi.

Foto: Telegram / Saida Mirziyoyeva

«Yuzdan ortiq muammoli masala qisqa fursatda o‘z yechimini topdi. Biroq obektlarning soni va ko‘lamidan qat’i nazar, jamoamiz ularning barchasini bitta-bitta, sinchiklab va oxirigacha o‘rganib chiqadi. Xonqa tumanida mukammal ta’mirga juda muhtoj bo‘lgan 2-maktabni, shuningdek, qarovsiz tashlab qo‘yilgan va avariya holatiga kelib qolgan 49-maktabgacha ta’lim muassasasini ko‘zdan kechirdik. Davlat xoreografiya akademiyasining Urganch filialida ham bo‘ldik. Hozirda o‘quv auditoriyalari hamda akademiyaning bo‘lajak tarbiyalanuvchilari maktab-internati bitta binoda joylashgan. Kelgusida qo‘shimcha bino qurilib, har bir muassasa o‘zining alohida, to‘laqonli sharoitiga ega bo‘ladi», deb yozdi Saida Mirziyoyeva.