AQSh O‘zbekistonga 26 migrantni deportatsiya qildi

AQSh migratsiya qonunchiligini buzgani uchun deportatsiya qilingan 26 nafar O‘zbekiston fuqarosi 1 may kuni charter reys bilan Toshkentga qaytdi, deb xabar berdi «Dunyo» axborot agentligi.

Qayd etilishicha, ikki tomonlama hamkorlik doirasida fuqarolarning shaxsini aniqlash, zarur hujjatlarni rasmiylashtirish va ularni xavfsiz qaytarish bo‘yicha barcha tashkiliy-huquqiy jarayonlar tezkor ravishda kelishilgan.

AQSh O‘zbekistonga deportatsiya reysini amalga oshirib, 11 mart kuni O‘zbekistonning 65 nafar fuqarosini qaytargandi.

Prezident Tramp lavozimga kirishganidan buyon AQSh noqonuniy immigratsiyaga chek qo‘yishga qaratilgan chora-tadbirlar doirasida O‘zbekistonning mingdan ziyod fuqarosini deportatsiya qilgan.