АҚШ Ўзбекистонга 26 мигрантни депортация қилди

АҚШ миграция қонунчилигини бузгани учун депортация қилинган 26 нафар Ўзбекистон фуқароси 1 май куни чартер рейс билан Тошкентга қайтди, деб хабар берди «Дунё» ахборот агентлиги.

Қайд этилишича, икки томонлама ҳамкорлик доирасида фуқароларнинг шахсини аниқлаш, зарур ҳужжатларни расмийлаштириш ва уларни хавфсиз қайтариш бўйича барча ташкилий-ҳуқуқий жараёнлар тезкор равишда келишилган.

АҚШ Ўзбекистонга депортация рейсини амалга ошириб, 11 март куни Ўзбекистоннинг 65 нафар фуқаросини қайтарганди.

Президент Трамп лавозимга киришганидан буён АҚШ ноқонуний иммиграцияга чек қўйишга қаратилган чора-тадбирлар доирасида Ўзбекистоннинг мингдан зиёд фуқаросини депортация қилган.