Surxondaryodagi quvvatlash stansiyasida elektromobil yonib ketdi

Surxondaryo viloyati, Denov tumanidagi quvvatlash stansiyasida 26 may kuni elektromobil yonib ketdi.

Surxondaryo viloyati FVB xabariga ko‘ra, Denov tumani, Bog‘ishamol mahallasida yashovchi fuqaroga tegishli «Leapmotor C11» rusumli transport vositasi elektr quvvatlash stansiyasida yonib ketgan. Yong‘in joyiga qutqaruv bo‘linmasidan 2 ta ekipaj yetib borib, yong‘inni o‘chirishga muvaffaq bo‘lgan.

Ta’kidlanishicha, yong‘in oqibatida jarohat olganlar yo‘q. Hodisa sababi va moddiy zarar miqdori aniqlanmoqda.