Islom hamkorlik tashkiloti AQShga talab qo‘ydi
![](http://storage.kun.uz/source/2/K-AsDhER7bstLlMM0w4bDqJz1iKT99me.jpg)
Foto: Reuters
Islom hamkorlik tashkiloti (IHT) favqulodda yig‘ilish yakunlariga ko‘ra maxsus deklaratsiyani e'lon qildi, unda AQShdan Yaqin Sharqdagi mojarolarga yechim topishda vositachi rolidan voz kechish talab qilingan. Bu haqda Reuters Turkiyaning NTV telekanaliga tayangan holda xabar bermoqda.
Ta'kidlanishicha, arab mamlakatlari Vashingtonning al-Qudsni Isroil poytaxti sifatida tan olish bo‘yicha qarorini mojarolarga yechim topishda ishtirok etishdan bosh tortish sifatida baholashmoqda.
Shuningdek, Islom hamkorlik tashkiloti jahon hamjamiyatini Sharqiy al-Qudsni Falastin poytaxti sifatida tan olishga chaqirdi.
Eslatib o‘tamiz, avvalroq Turkiya prezidenti Rajab Toyyib Erdo‘g‘an Istanbuldagi musulmon mamlakatlar yetakchilarining sammitida al-Qudsni Falastin poytaxti sifatida tan olishni taklif qildi hamda shaharni «musulmonlar uchun qizil chiziq» deb atadi. Turkiya yetakchisi Vashingtonning Isroil poytaxtidagi elchixonasini al-Qudsga ko‘chirish bo‘yicha qarorini keskin qoralab chiqdi hamda Isroilga «terrorchi davlat» va «istilochi» deb ta'rif bergan.
Bundan tashqari, Eron prezidenti Hasan Ruhoniy arab davlatlarini Isroilga qarshi turish maqsadida birlashishga chaqirdi. Ruhoniy Islom hamkorlik tashkilotining favqulodda yig‘ilishida chiqish qilib, mamlakatlar yetakchilarini ichki mojarolarga barham berish hamda Isroilga qarshi birlashishga chaqirgan.
Mavzuga oid
![](https://storage.kun.uz/source/thumbnails/_medium/10/01N3xyfW3l4DmjsskW2bPjp2V6n-4BUQ_medium.jpg)
17:58
AQSh tarixidagi eng yirik terakt - 11 sentabr voqealarini aks ettirgan suratlar
![](https://storage.kun.uz/source/thumbnails/_medium/10/OuUuZ6Rq1SqJupQsYX9nZrFf6fcS7-6R_medium.jpg)
17:20
Rekord uchun harakat qilmagan Bayden – AQShning eng yosh va eng keksa prezidentlari kimlar bo‘lgan?
![](https://storage.kun.uz/source/thumbnails/_medium/10/g9xRZapMr9Qqi5Dmk1LlYsUblJq_2byk_medium.jpg)
22:29 / 10.09.2024
AQShda chordoqdan topilgan portret 1,4 mln dollarga sotildi
![](https://storage.kun.uz/source/thumbnails/_medium/10/eGGg0uvFPv2sbPoEtb6GarT0onrbjkE__medium.jpg)
21:32 / 10.09.2024