13:41 / 09.02.2023
21267

Bayden: Putin Ukrainani qo‘ldan chiqarib bo‘lgan

Vladimir Putin «Ukrainani allaqachon qo‘ldan chiqarib bo‘ldi», deb ma’lum qildi AQSh prezidenti Jo Bayden PBS telekanalining NewsHour dasturiga bergan intervyusida. 

Foto: NYT

«U Ukrainaga bostirib kirsa, birinchidan, har bir rusiyzabon uni xushmuomalalik bilan kutib oladi va: «Keling», deydi, deb o‘yladi. Ikkinchidan, u NATO parchalanadi, NATO qandaydir harakat qilishdan qo‘rqib hech narsa qilmaydi, deb o‘yladi. Pastga tushing - bularning hech biri sodir bo‘lmadi», deya aniqlik kiritdi Bayden. 

NATO davlatlari Ukrainani qo‘llab-quvvatlashni muvofiqlashtirmoqda, ammo Putin hali ham bunday emas deb hisoblayapti, deya ta’kidlab o‘tdi Oq uy rahbari. 

Shu bilan birga, u Qo‘shma Shtatlar tomonidan Ukrainaga va’da qilingan yordam muddatsiz bo‘lishini tasdiqladi.

Avvalroq AQSh prezidenti Jo Bayden Kongressning ikki palatasi qarshisida «Mamlakatdagi holat to‘g‘risida» har yilgi murojaat bilan chiqish qilib, o‘z yutuqlari qatorida Ukrainani Rossiyaning tajovuziga qarshi turishda qo‘llab-quvvatlovchi xalqaro koalitsiya tuzganini ham sanab o‘tgandi.

O‘z chiqishi davomida Bayden biror marta Rossiya so‘zini tilga olmagan, shu bilan birga «Putin urushi», «Putinning bosqini» va «Putinning tajovuzi» iboralarini qo‘llagan. Bayden Rossiya prezidenti familiyasini to‘rt bor ishlatgan. Rossiyaning RIA Novosti agentligi e’tibor qaratishicha, Bayden o‘tgan yilgi chiqishida Putinni 30 bor tilga olib o‘tgandi.

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Mavzuga oid
Top