Shavkat Mirziyoyev Ozarboyjonga tashrif buyurishi kutilyapti

O‘zbekiston prezidenti Shavkat Mirziyoyev Ozarboyjonga tashrif buyuradi.

Bu haqda O‘zbekiston Markaziy Osiyo xalqaro instituti direktori o‘rinbosari, sobiq elchi Sherzod Fayziyev ma’lum qildi, deya xabar tarqatdi Ozarboyjon matbuoti.

Fayziyev bo‘lajak tashrif haqidagi ma’lumotni «Ozarboyjon – O‘zbekiston: hamkorlikning yangi ufqlari» mavzusidagi davra suhbatida ma’lum qildi.

Uning so‘zlariga ko‘ra, O‘zbekiston rahbarining tashrifi avgust oyida bo‘lib o‘tadi.

Sherzod Fayziyev Ozarboyjon va O‘zbekiston o‘rtasida barcha sohalarda yaqin hamkorlik faollashib, jadallashib borayotganini ta’kidladi.