Hindistonda vazir uyali aloqa signalini ushlash uchun narvonga ko‘tarilishiga to‘g‘ri keldi

Hindistonning moliyaviy va korporativ ishlar bo‘yicha kichik vaziri Arjan Ram Meval uyali aloqa signalini tutib, o‘z yordamchilariga qo‘ng‘iroq qilish uchun narvonga ko‘tarilishiga to‘g‘ri keldi.

"Sinxua" axborot agentligining ma'lum qilishicha, vazir qishloqlardan biriga tashrifi vaqtida mahalliy aholidan nobarqaror uyali aloqa signali borasida shikoyatlar olgan. U joyning o‘zida mas'ul shaxslar bilan bog‘lanib, qishloq aholisiga bu muammoni hal qilishda yordam bermoqchi bo‘lgan. Biroq u uyali aloqa signalini ushlay olmagan.

Qishloq aholisi esa Mevalga signalni tutish uchun yuqoriroqqa ko‘tarilishni taklif qilib, unga daraxtga suyab narvon qo‘yib bergan.