FTBdagi «ikkinchi shaxs» ishdan haydaldi

Foto: Aaron Bernstein/Reuters

AQSh bosh prokurori Jyeff Seshns FTB direktori o‘rinbosari Endryu Makkeybni egallab turgan lavozimidan ozod qildi. Bu haqda Reuters xabar bermoqda.

«Bosh inspektor hisoboti, FTB professional majburiyat bo‘limi dalillari hamda yuqori mansabli amaldorning tavsiyasi asosida, men Endryu Makkeybni egallab turgan lavozimidan darhol ozod etish haqida qaror qabul qildim», - deya xabar bergan Seshns.

Makkeyb AQSh prezidenti Donald Tramp tomonidan Demokratik partiya bilan o‘zaro aloqalari tufayli bir necha bor tanqid ostiga olingan edi.

Eslatib o‘tamiz, avvalroq AQSh prezidenti Donald Tramp mamlakat bosh prokurori Jyeff Seshnsni ishdan bo‘shatishni rejalashtirayotgani xabar berilgandi.

Tayyorlagan: Отабек Матназаров

#AQSh #FTB