Juma, 8 iyun kuni, Sloveniyada po‘rtana kuzatildi, uning davomida kattaligi tennis to‘pidek keluvchi do‘l yog‘di. Bu haqda Vijesti mahalliy nashri xabar bermoqda.
Eng yomon vaziyat Xorvatiya bilan chegarada, Bela kraina provinsiyasida kuzatilgan.
U yerda kattaligi tennis to‘pidek keluvchi do‘l yog‘gan bo‘lib, u avtomobillar va tomlarga zarar yetkazdi hamda qishloq xo‘jaligi ekinlarini yo‘q qilgan.
Ijtimoiy tarmoqlarda tarqalgan fotosuratlarga ko‘ra, atigi 15-20 daqiqa davomida yog‘gan do‘lning diametri 8-10 santimetr bo‘lgan.
Ekspertlar so‘zlariga ko‘ra, bu noodatiy po‘rtana bo‘lib, u bir yilda bir necha marotaba kuzatiladi.
