Жума, 8 июнь куни, Словенияда пўртана кузатилди, унинг давомида катталиги теннис тўпидек келувчи дўл ёғди. Бу ҳақда Vijesti маҳаллий нашри хабар бермоқда.
Энг ёмон вазият Хорватия билан чегарада, Бела краина провинциясида кузатилган.
У ерда катталиги теннис тўпидек келувчи дўл ёғган бўлиб, у автомобиллар ва томларга зарар етказди ҳамда қишлоқ хўжалиги экинларини йўқ қилган.
Ижтимоий тармоқларда тарқалган фотосуратларга кўра, атиги 15-20 дақиқа давомида ёғган дўлнинг диаметри 8-10 сантиметр бўлган.
Экспертлар сўзларига кўра, бу ноодатий пўртана бўлиб, у бир йилда бир неча маротаба кузатилади.
