8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

22:44 / 11.07.2019 2440

Zarafshonda sayyor qabul: Harbiy xizmatchilarning aksariyat muammosi joyida hal etildi

Foto: Mudofaa vazirligi matbuot xizmati

Bugun, 11 iyul kuni O‘zbekiston mudofaa vaziri o‘rinbosari general-mayor Azizbek Ikramov boshchiligidagi mas'ullardan iborat Navoiy viloyati Zarafshon tumanida sayyor qabul o‘tkazdi. Bu haqda Mudofaa vazirligi Axborot va ommaviy kommunikatsiyalar departamenti xabar bermoqda.  

Foto: Mudofaa vazirligi matbuot xizmati

Tashkil etilgan sayyor qabulda Mudofaa vazirligi markaziy apparatidan iborat ishchi guruh ofitserlar, harbiy xizmatchilar va ularning oila a'zolari hamda harbiy pensionerlarning mavjud muammolari, talab, taklif va ehtiyojlarini o‘rganib, ularga amaliy ko‘mak berish yuzasidan ish olib bordi.

Shuningdek, general-mayor Azizbek Ikramov Zarafshon tumanidagi harbiy qism harbiy xizmatchilari uchun forma tikishga mo‘ljallangan tikuv sexini borib ko‘rdi. Yaqinda ochilgan mazkur tikuv sexida sabab 6 nafar harbiy xizmatchining turmush o‘rtog‘i ish bilan ta'minlangan. Mudofaa vazirining o‘rinbosari bu yerda mehnat qilayotganlar bilan suhbatlashib, ularning kelgusidagi faoliyatiga muvaffaqiyat tiladi.

Foto: Mudofaa vazirligi matbuot xizmati

Ta'kidlash kerakki, Zarafshon garnizonida 400 dan ortiq harbiy xizmatchi o‘z oilasi bilan yashaydi. 121 nafar harbiy xizmatchining turmush o‘rtog‘i ish bilan ta'minlangan bo‘lib, 76 nafari ishchiz hisoblanadi. 200 ga yaqin harbiy xizmatchining rafiqasi bola tarbiyasi bilan band bo‘lsa, 8 nafari hozirda tadbirkorlik bilan shug‘ullanmoqda.

Sayyor qabul jarayonida harbiy xizmatchilar, ularning oila a'zolari hamda zaxiraga bo‘shatilgan harbiylar va faxriylarning murojaatlari tinglandi, aksariyat qismining muammolari joyida hal etildi. Jumladan, salomatlikni tiklash bilan bog‘liq murojaatchilarga tibbiyot muassasalariga yo‘llanmalar berilgan bo‘lsa, maktabgacha ta'lim muassasasiga joylashtirish bo‘yicha tushgan murojaatning bir nechtasi joyida hal etildi. Ayrim murojaatlar bo‘yicha esa huquqiy maslahatlar ham ko‘rsatildi.

Eslatib o‘tamiz, Mudofaa vaziri o‘rinbosari rahbarligidagi ishchi guruh 12 iyul kuni Navoiy shahrida sayyor qabul o‘tkazadi.

Top