23:22 / 29.10.2019
0
3262
«Brekzit» uchinchi marta qoldirildi

Yevropa Ittifoqi Britaniyaning Yevropa Ittifoqini tark etishining (Brekzit) uchinchi marta qoldirilishini ma'qulladi. “Brekzit jarayoni” 2020 yil 31 yanvarigacha surildi va yuqori ehtimollik bilan oxirgi marta qoldirilmoqda. Bu haqda Yevropa kengashi raisi Donald Tusk ma'lum qildi. 

“Yevropa Ittifoqining 27 davlati uchinchi marta qoldirishni ma'qulladi, ehtimol u oxirgisi bo‘ladi. Britaniyalik do‘stlarim, bu imkoniyatdan unumli foydalaning. Men, shuningdek, siz bilan xayrlashaman, chunki mening vakolatim yakunlanmoqda”, deb yozgan Tusk tvitterda.  

Ta'kidlanishicha, agar ikki tomon Britaniyaning Yevropa Ittifoqidan chiqishi bo‘yicha kelishuvni ratifikatsiya qilsa, “Brekzit” jarayoni avvalroq - 2019 yil 1 dekabrda yoki 2020 yil 1 yanvarda ham yuz berishi mumkin.

Yevrokengash kelishuv matni o‘zgartirilishi mumkinmasligini yana bir marotaba ta'kidlab o‘tgan.

Dastlab Britaniya Yevropa Ittifoqini joriy yilning 29 martida tark etishi kerak edi. Biroq “Brekzit” shartlari bo‘yicha kelishuv loyihasi britaniyalik deputatlar tomonidan uch marta rad etilgani sababli Yevropa Ittifoqi “Brekzit”ni dastlab aprel yoki mayga, so‘ngra 31 oktyabrga ko‘chirishga rozi bo‘lgan. 

Mavzu
Brexit jarayoni
Mey Bryusselni Brexit boshlanganligi haqida xabardor etuvchi maktubni imzoladi
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top