20:15 / 08.04.2020
2931
Misrda komendantlik soati yana yarim oyga uzaytirildi

Misrda koronavirus tarqalishini to‘xtatish uchun kiritilgan umummilliy ko‘lamdagi komendantlik soati yana 15 kunga uzaytiriladi. 

Foto: Anadolu

Bu haqda mamlakat bosh vaziri Mustafo Madbuliyga tayanib “Al-Arabiya” telekanali xabar berdi. 

Shu tariqa, bu choralar 23 aprelgacha davom etadi.

Ta'kidlanishicha, mamlakatda endi komendantlik soati soat 19dan emas, balki soat 20dan soat 6gacha davom etadi.

Shuningdek, aeroportlar yana 2 hafta yopiq bo‘ladi. Jamoat muassasalari va davlat xizmatlarining aksariyati bu vaqtda ishlamaydi.  

8 aprel holatiga ko‘ra, Misrda koronavirusga chalinganlar soni 1450 nafarni, vafot etganlar soni 94 nafarni tashkil qilmoqda. Kasallanganlardan 276  nafari sog‘ayib ketgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top