Мисрда комендантлик соати яна ярим ойга узайтирилди

Мисрда коронавирус тарқалишини тўхтатиш учун киритилган умуммиллий кўламдаги комендантлик соати яна 15 кунга узайтирилади.

Фото: Anadolu

Бу ҳақда мамлакат бош вазири Мустафо Мадбулийга таяниб “Ал-Арабия” телеканали хабар берди.

Шу тариқа, бу чоралар 23 апрелгача давом этади.

Таъкидланишича, мамлакатда энди комендантлик соати соат 19дан эмас, балки соат 20дан соат 6гача давом этади.

Шунингдек, аэропортлар яна 2 ҳафта ёпиқ бўлади. Жамоат муассасалари ва давлат хизматларининг аксарияти бу вақтда ишламайди.

8 апрель ҳолатига кўра, Мисрда коронавирусга чалинганлар сони 1450 нафарни, вафот этганлар сони 94 нафарни ташкил қилмоқда. Касалланганлардан 276 нафари соғайиб кетган.

Тайёрлаган: Шуҳрат Раҳимов

#Миср #комендантлик соати

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.