18:41 / 19.04.2020
1635
MIB: ota farzandi uchun 110 mln so‘m aliment to‘lab berdi

Ota o‘z xohishiga ko‘ra, aliment pullarini farzandi 18 yoshga to‘lguniga qadar to‘liq to‘lash tashabbusi bilan chiqdi.

Foto: KUN.UZ

Fuqarolik ishlari bo‘yicha Mirzo Ulug‘bek tumanlararo sudining buyrug‘iga asosan, qarzdor I.E.dan undiruvchi M.S. foydasiga voyaga yetmagan bir nafar farzandining ta'minoti uchun to u voyaga yetguniga qadar oylik ish haqi va boshqa daromadlaridan har oyda 1/4 qism miqdorida aliment undirish belgilangan. 

Byuroning Mirzo Ulug‘bek tuman bo‘limi tomonidan O‘zbekiston Respublikasi Oila Kodeksining 130-moddasiga hamda 06.10.2018 yildagi Vazirlar Mahkamasining 808-sonli qarori ijrosi yuzasidan qarzdor bilan profilaktik suhbat o‘tkazilganda alimentchi ota o‘z xohishiga ko‘ra, aliment pullarini farzandi 18 yoshga to‘lguniga qadar to‘liq to‘lash tashabbusi bilan chiqdi.
Joriy yilning 16 aprel kuni "alimentchi ota" farzandi 18 yoshga to‘lguniga qadar jami 110 mln. 635 ming so‘m aliment pullarini to‘liq to‘lab berdi.

Top