14:25 / 20.05.2020
10259
FVV Sirdaryoda olib borilayotgan ishlar bo‘yicha yangi tafsilotlarni ma'lum qildi

Toshqindan talafot ko‘rgan 541 uyda ta'mirlash ishlari olib borilmoqda. Ushbu tadbirga 13,524 nafar ishchi va 622 transport vositasi jalb qilingan.

Foto: FVV matbuot xizmati

Favqulodda vaziyatlar vazirligi Sirdaryo viloyatida olib borilayotgan ishlar bo‘yicha yangi tafsilotlarni ochiqladi.

Qayd etilishicha, bugungi kunga qadar jami 1349 nafar fuqaroning biometrik pasporti tiklandi. Qayta o‘rganish natijasida 1116 nafar fuqaroning pasporti topildi. Hozirgi kunda 983 nafar fuqaroning pasportlarini tiklash ishlari olib borilmoqda.

Bundan tashqari, 818ta tug‘ilganlik va 12ta o‘lim haqidagi, 291ta nikoh guvohnomalari tiklandi.

Toshqindan talafot ko‘rgan 13 mingdan ziyod aholi va tadbirkorlik sub'yektlarining banklardan mavjud 186,2 mlrd. so‘mining qaytarish muddati 6 oygacha uzaytirib berildi.

Jami 5,549 pensionerning 3,9 mlrd. so‘mlik pensiya pullari Xalq banki filiallari tomonidan naqd pul shaklida to‘liq yetkazib berildi.

Toshqindan talafot ko‘rgan 541 uyda ta'mirlash ishlari olib borilmoqda. Ushbu tadbirga 13,524 nafar ishchi va 622 transport vositasi jalb qilingan.

Hududlarni aloqa va internet xizmatlari bilan ta'minlash ishlariga 100 ortiq soha, 200 nafarga yaqin harbiy aloqa mutaxassislari va 15ta maxsus texnika jalb qilingan.

Elektr energiyasi ta'minotidagi uzilishlar sababli uzilgan 44ta mobil aloqa baza stansiya faollashtirildi. Suv ostida qolgan 12ta, jami 56ta (97 foiz) mobil baza stansiyaning faoliyati qayta tiklandi.

Uzilishlar yuzaga kelgan hududlarda o‘rnatilgan mavjud jami 86ta baza stansiyalarining 84tasi (98 foiz) faol holatda ishga tushirildi.

Mavzu
Sardobada suv toshqini
1 may kuni tongda Sirdaryo viloyatidagi «Sardoba» suv ombori dambasi devori buzilib, suv toshib chiqdi.
Barchasi
Top