“Kun.uz” saytida “Surxondaryo viloyati hokimligi tadbirkorga pullarini bermagani sabab, qurib bitkazilgan qishloq oilaviy poliklinikasi faoliyat ko‘rsatmayapti” sarlavhali maqola e'lon qilingan edi.

Maqolada “Sharg‘un tog‘-kon servis” MChJ buyurtmani bajargan bo‘lsada, loyihada ko‘rsatilgan 1,2 mlrd so‘mni to‘liq ololmayotgani aytilgan.

Surxondaryo viloyat hokimligi ushbu maqolaga rasmiy munosabat bildirdi: “Yagona buyurtmachi xizmati” “Sharg‘un tog‘-kon servis” MChJ bilan 1,2 mlrd so‘mga shartnoma tuzib, Uzun tumanidagi 79-sonli  qishloq oilaviy poliklikasining tez tibbiy yordam shoxobchasida rekonstruksiya ishlarini olib borgan. 

2021 yilning 1 yanvarigacha “Sharg‘un tog‘-kon servis” MChJga 1,058 mlrd so‘m to‘lab berilgan. Pudrat shartnomasiga asosan qolgan 173 mln qarzdorlik summasi 2021 yilning mart oyida to‘liq to‘lab berilgani, hozirgi kunda ushbu obekt bo‘yicha qarzdorlik mavjud emasligini ma'lum qilamiz", — deyiladi.