13:12 / 10.05.2021
1052
Andijonda “Spark”ni olib qochgan “shovvoz” ikkita avtomashinaga borib to‘qnashdi
Foto: IIV huzuridagi Tergov departamenti

“Spark” rusumli avtomashinaning kaliti o‘t oldirish joyida ekanligidan foydalanib, uni olib qochib, hodisa joyidan yashirinayotgan vaqtida avtohalokatga uchragan.

5 may kuni soat 18:30 larda muqaddam sudlangan 32 yoshli J.Farrux Izboskan tumani Poytug‘ shahri "Ittifoq" mahallasida joylashgan avtomashinalar turargohida qarovsiz, ochiq holatda qoldirilgan 25 yoshli R.Hayotbekka tegishli “Spark” rusumli avtomashinaning kaliti o‘t oldirish joyida ekanligidan foydalanib, uni olib qochib hodisa joyidan yashirinayotgan vaqtida fuqaro A.Xushnudbekka tegishli “Matiz” va X.Boybekka tegishli “Nexia Dons” rusumli avtomashinalar bilan to‘qnashib, yo‘l transport hodisasini sodir etgan.

Mazkur holat yuzasidan Izboskan tumani IIB huzuridagi Tergov bo‘linmasi tomonidan J.Farruxga nisbatan O‘zbekiston Respublikasi Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilib, “qamoqqa olish” tarzidagi ehtiyot chorasi qo‘llanilgan.

Hozirda tergov davom etmoqda.

Avvalroq, Andijonda fuqaro va YPX xodimi o‘rtasidagi janjal yuzaga kelganligi haqida xabar (https://kun.uz/news/2021/04/12/andijonda-fuqaro-va-ypx-xodimi-ortasidagi-janjalga-rasmiylar-izoh-berdi) bergan edik.

Top