09:32 / 20.05.2021
2883
Dunyoda emlanganlik haqidagi qalbaki ma'lumotnomalar savdosi avj olmoqda

 Ayni vaqtda dunyo bo‘ylab koronavirusga qarshi emlanganlik haqidagi qalbaki ma'lumotlarni sotish bilan shug‘ullanuvchi 1,2 mingdan ko‘proq kompaniya mavjud. Bu haqda kiberxavfsizlik sohasida faoliyat yurituvchi Check Point AQSh-Isroil kompaniyasi ma'lum qildi.

Foto: AP

Darknetda qalbaki ma'lumotnomalarni sotish bo‘yicha o‘tkazilgan tadqiqot mualliflaridan biri Oded Vanununing aytishicha, emlanganlik haqidagi qalbaki hujjatlar savdosi AQSh, Britaniya va Germaniyada, ayniqsa, faol olib borilmoqda.

 «Qalbaki sertifikatlarning katta qismi Telegram kanallari orqali sotilmoqda. Hozirda 100dan ortiq bunday kanal bor, vaholanki mart boshida ular bor-yo‘g‘i 5ta bo‘lgan», deb ma'lum qilgan mutaxassis.

 Uning ta'kidlashicha, bu turdagi qalbaki hujjatlar savdosiga chek qo‘yishning yagona yo‘li emlanganlarning global bazasini yaratish hisoblanadi.

 Hozirgi pandemiya sharoitida emlanganlik haqidagi ma'lumotnoma ko‘plab cheklovlardan ozod bo‘lish, erkin harakatlanish imkonini beradi. Bunday hujjatlarga talabning oshishi shu bilan bog‘langan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top