19:56 / 31.07.2021
3405
Saylov2021.uz portali va mobil ilovasi ishga tushdi

Portal saylovchilarga o‘z saylov uchastkalarini ko‘rsatadi va odamlarni siyosiy jarayon haqidagi axborotlar bilan ta'minlab boradi.

O‘zbekiston Markaziy saylov komissiyasi 2021 yilgi prezident saylovi uchun Saylov2021.uz axborot portali va “Saylov-2021” mobil ilovasi ishga tushirilganini ma'lum qildi.

Komissiya matbuot kotibi Jaloliddin Usmonovga ko‘ra, portal va uning ilovasidan saylov bilan bog‘liq barcha ma'lumotlarni olish mumkin.

Axborot portali o‘zbek, rus, qoraqalpoq va ingliz tillarida yuritiladi. Mazkur portalga shaxsga doir ma'lumotlarni kiritish orqali saylovchilar o‘z saylov uchastkalarini topishadi.

“Saylov-2021” mobil ilovasi o‘zbek va rus tillarida faoliyat olib boryapti.

“Ilovaning asosiy vazifasi – saylov jarayonlari ishtirokchilari, saylov komissiyasi a'zolariga saylov qonunchiligi bo‘yicha bilimlarini mustahkamlashda yordam berishdir. “Saylov-2021” ilovasini mobil telefonga hozircha faqat Android tizimida yuklab olish mumkin.

Tez kunlarda ilovani iOS tizimi orqali ham yuklab olish yo‘lga qo‘yish rejalashtirilgan”, – dedi MSK rasmiysi.

Avvalroq, komissiya prezident saylovi logotipini taqdim etgan edi.

Mavzu
Saylov-2021
Saylov qonunchiligiga kiritilgan o‘zgartishlarga ko‘ra saylovlar oktyabr oyi uchinchi o‘n kunligining birinchi yakshanbasida o‘tkazilishi belgilandi. 2021 yilgi prezidentlik saylovi 24 oktyabrga to‘g‘ri kelmoqda.
Barchasi
Top