O‘zbekiston prezidentligiga nomzodlarning ishonchli vakillari o‘rtasida teledebat o‘tkaziladi

2021 yil 19 oktabr kuni O‘zbekiston prezidentligiga nomzodlarning ishonchli vakillari o‘rtasida teledebat o‘tkaziladi. MTRK xabariga ko‘ra, saylovoldi debatlari Milliy teleradiokompaniya tarkibiga kiruvchi O‘zbekiston24 va O‘zbekiston telekanallarida soat 17:00da efirga uzatiladi. Shuningdek, debatlar aholining barcha qatlamlarini qamrab olish maqsadida MTRKning boshqa telekanallarida rus, ingliz tillarida va surdo tarjimalari bilan efirga uzatiladi.

Eslatib o‘tamiz, ilk marta kuzda o‘tkazilayotgan prezidentlik saylovlari uchun nomzodlarning targ‘ibot kompaniyasiga 20 sentyabrdan start berilgan. Ayni kunga qadar nomzodlar va ularning ishonchli vakillari turli hududlarda saylovchilar bilan uchrashmoqda.

Yaqinda prezidentlik saylovi kompaniyasi yuzasidan oraliq hisobotini e'lon qilgan YeXHTning Demokratik institutlar va inson huquqlari bo‘yicha byurosi Saylovni kuzatish missiyasi MTRKda da'vogarlar o‘rtasida munozara uchun vaqt ajratib qo‘yilgani, biroq nomzodlar yoki ularning vakillari munozara olib bormayotgani haqida yozgan edi.