Kongo Demokratik Respublikasi g‘arbida benzovoz va avtobus to‘qnashuvi oqibatida kamida 33 kishi halok bo‘ldi. Bu haqda mahalliy politsiyaga tayanib AFP axborot agentligi xabar berdi.
Avtohalokat Kvango shahri yaqinida 1 avgustga o‘tar kechasi yuz bergan. Transport vositalari to‘qnashuvidan keyin portlash yuz bergan va yong‘in chiqqan.
Yo‘lning avtohalokat yuz bergan qismi to‘sib qo‘yilgan. Fojia yuzasidan tergov boshlangan.
