13:47 / 27.09.2021
63619
Captiva 5. Yangi model haqida batafsil

Uzauto AJ O‘zbekistonda Chevrolet Captiva 2021 avtomobilini sotishni rejalashtirmoqda. Kun.uz o‘quvchilariga yangi model haqida qisqa videorolik tayyorladi. 

Ma'lum qilinishicha, O‘zbekistonga Chevrolet Captiva Premier/LT modifikatsiyalari olib kelinadi. Unga ishchi hajmi 1,5 litr bo‘lgan 4 silindrli turbodvigatel o‘rnatiladi. U CVT toifasidagi 8 bosqichli avtomatik transmissiyani 148 ot kuchi bilan ta'minlaydi. 

Avtomobilning oldi g‘ildiraklari yetakchi, ya'ni FWDdir.

Avtomobilni boshqarish juda qulay, chunki elektr rulkuchaytirgichga ega. Qolaversa, ABS tormoz tizimi ham avtomobilni to‘xtatishni boshqarish imkonini beradi. 

Yonilg‘i sarfi aralash siklda 7,5 l/100 km bo‘lib, o‘rindiqlar soni 5/7ta. Ayrim ma'lumotlarga ko‘ra, uning narxi 280 mln so‘mdan yuqori bo‘ladi. 

Yaqin orada buyurtmalar olinishi ma'lum qilinadi.

Top