16:09 / 18.10.2021
2753
O‘zbekistonga Pfizer vaksinasining yana bir partiyasi olib kelindi

Sog‘liqni saqlash vazirligi O‘zbekistonga keltirilgan va ishlab chiqarilgan vaksinalar miqdori 29 million dozadan oshgani haqida ma'lum qildi.

Foto: Sog‘liqni saqlash vazirligi

O‘zbekistonga Pfizer/BioNTech vaksinasining 526 500 dozalik yana bir partiyasi olib kelindi.

«Hozirgina yurtimizga Pfizer/BioNTech vaksinasining 526 500 dozalik yana bir partiyasi olib kelindi. Bundan avval ushbu vaksinadan 1 200 000 doza keltirilgan edi», deyiladi vazirlik xabarida.

O‘zbekistonga olib kelingan Pfizer/BioNTech ning umumiy miqdori 1726 500 dozaga yetdi.

Shunday qilib, mamlakatda emlash boshlanganidan beri keltirilgan vaksina miqdori 29 214 488 dozani tashkil qilmoqda. 

Eslatib o‘tamiz, O‘zbekistonda ota-onalar va vasiylarining roziligi asosida ixtiyoriy ravishda 12 yoshdan katta bolalarni ham Pfizer/BioNTech vaksinasi bilan emlashga ruxsat berilgan. 

14 oktabr holatiga ko‘ra, 12 yoshdan 18 yoshgacha bo‘lgan 151 124 nafar bola Pfizer vaksinasi bilan ixtiyoriy ravishda emlangan.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Mavzuga oid
Top