19:18 / 09.03.2022
9752
Andijonda kuchli shamol ko‘p qavatli uyning tom qismini uchirib yubordi
Foto: Videodan kadr

Andijon viloyatida kuzatilgan kuchli shamol oqibatida qurilishi tugallanmagan ko‘p qavatli uyning tom qismi uchib ketgan. Hodisa oqibatida jarohat olganlar yo‘q.

Viloyat FVB axborot xizmatining kun.uz‘ga ma’lum qilishicha, Andijon shahar «Yorboshi» MFY Nayman ko‘chasida joylashgan 4 qavatli binoning tom qismi butunlay qulab tushgan.

Hodisa oqibatida fuqarolarning halok bo‘lishi va tan jarohat olishi kuzatilmagan. Voqea joyiga Andijon viloyati Favqulodda vaziyatlar boshqarmasi qutqaruv otryadi jalb etilgan.

Shuningdek, holat bo‘yicha Andijon viloyati FVB va 1050 qisqa raqamiga xabar kelib tushmagan.

Avvalroq, Qashqadaryoda kuchli shamol tomlarni uchirishi oqibatida bir necha kishi jarohatlanganligi xabar qilingan edi.

Mavzuga oid
Top