O‘zbekiston bosh vaziri Abdulla Aripov yaqinda Samarqandga amaliy safari chog‘ida Go‘ri Amir maqbarasi yonida Malayziyadan tashrif buyurgan birinchi ziyoratchilar guruhini kutib oldi.
Foto: Telegram / Aziz_Abduhakimov
Bu haqda bosh vazir o‘rinbosari – turizm va madaniy meros vaziri Aziz Abduhakimov ma’lum qildi
Uning ma’lumotlariga ko‘ra, mavsum oxirigacha Janubi-Sharqiy Osiyodan ziyoratchilar O‘zbekistonga har 10 kunda Malaysia Airlines charter reyslari bilan yetib keladi.
Qayd etilishicha, malayziyalik sayyohlar O‘zbekiston bosh vaziriga «Biz O‘zbekistonni sevamiz» shiori bilan qadimiy Samarqand shahrini ziyorat qilish imkoniyati uchun minnatdorchilik bildirgan.
Bundan tashqari, bosh vazir Andijon viloyatidan kelgan bir guruh sayyohlarni Registon maydonida qarshi oldi. Bayram kunlarida ichki turizmni rivojlantirish maqsadida muqaddas qadamjolarga ommaviy safarlar uyushtirildi.
