Oliy ta’lim muassasasini tugatganlik to‘g‘risidagi diplom ma’lumotlarini elektron shaklda olish uchun diplom.edu.uz axborot tizimi ishlab chiqildi.
Oliy ta’lim vazirligi xabariga ko‘ra, tizim quyidagi jarayonlarni o‘z ichiga oladi:
- bitiruvchilar diplom ma’lumotlari kiritiladi va tasdiqlanadi;
- diplom ma’lumotlari mavjud bo‘lmaganda bitiruvchilar Yagona identifikatsiya tizimi – OneID orqali ro‘yxatdan o‘tib, ma’lumotlarni kiritadi.
- Qayd etilishicha, oliygoh diplom ma’lumotlari to‘g‘riligini tasdiqlaydi.
Platforma boshqa davlat idoralari axborot tizimlari bilan integratsiya qilingan. Bunda ma’lumotlar avtomatik tarzda shakllanadi va diplom ma’lumotlarini kiritish talab etilmaydi.