2022-2025 yillarda O‘zbekistonda jamoat xavfsizligini ta’minlash tizimini rivojlantirish strategiyasini 2023 yilda amalga oshirish bo‘yicha “yo‘l xaritasi” e’lon qilindi.
Jamoat xavfsizligini ta’minlash bo‘yicha vakolatli davlat organlari xodimlari ijtimoiy-huquqiy himoyasiga doir imtiyozlardan foydalanishida inson omilini cheklaydigan avtomatlashtirilgan tizimni joriy qilish rejalashtirilmoqda.
Bunda:
- Koreya Respublikasi tajribasini (Koreya milliy politsiya universiteti Ye-saram davlat elektron platformasi) o‘rgangan holda, xodimlar va ular oila a’zolarini ijtimoiy-huquqiy himoya qilish kafolatlaridan foydalanishi bo‘yicha E-jamoat xavfsizligi axborot tizimi “Ijtimoiy-huquqiy himoya” modulini yaratish;
- ijtimoiy-huquqiy himoya qilish kafolatlaridan foydalanish borasidagi barcha xizmatlarni “yagona darcha” tamoyili asosida E-jamoat xavfsizligi axborot tizimi “Ijtimoiy-huquqiy himoya” moduli orqali amalga oshirish;
- xodimlarga foydalanilmagan ta’tillar, olinmagan xizmat kiyimlari uchun pul kompensatsiyasi to‘lash, xodimlar hayotini uzoq muddatli sug‘urtalashiga doir soliq imtiyozidan foydalanishi tartibi nazarda tutiladi.
Hududiy ichki ishlar organlari ma’muriy binolarini qo‘riqlashni Milliy gvardiya qo‘riqlash xizmati tomonidan shartnoma asosida amalga oshirilishi tizimini joriy etish ham mo‘ljallanmoqda.
