18:17 / 29.12.2022
3748
O‘zbekiston xalqaro raqamlashtirish reytinglarida yuqori o‘rinlarga ko‘tarildi

2022 yilgi xalqaro raqamlashtirish reytinglarida O‘zbekistonning o‘rni sezilarli darajada ko‘tarildi. 

Xususan, Jahon bankining «GovTech Enablers» indeksiga muvofiq, raqamli ko‘nikmalar va davlat xizmatlaridagi innovatsiyalar bo‘yicha 2020 yilga nisbatan 65 pog‘ona yuqoriladi.  

«GovTech Maturity Index» natijalariga ko‘ra, hukumat va davlat xizmatlari sektori bo‘yicha 37 pog‘ona yuqorilab, yetakchi mamlakatlarning «A» guruhiga kirdi. 

Shuningdek, Birlashgan Millatlar Tashkiloti tomonidan har 2 yilda bir marta o‘tkaziladigan «Elektron hukumat» reytingida 18 pog‘ona yuqorilab, «yuqori/juda yuqori rivojlanayotgan» mamlakatlar qatoriga kirdi. 

«Oxford Insighs» tomonidan o‘tkazilgan «Hukumatning sun’iy intellektga tayyorlik indeksi»da 14 pog‘ona yuqoriladi.

«Open data Inception» tahliliga ko‘ra, ochiq ma’lumotlar manbalari va ular soni bo‘yicha O‘zbekiston 4-o‘rinni egalladi.

Buyuk Britaniyaning nufuzli Cable tashkiloti tomonidan O‘zbekiston mobil internet narxi eng past bo‘lgan davlatlar qatoriga kiritildi va 15-o‘ringa ko‘tarildi.

Shuningdek, «Inclusive Internet indeksida 5 pog‘ona ko‘tarilib, 61-o‘rinni egalladi. 

Top