Rossiyaning Yevropaga neft va gaz sotishdan tushgan daromadi uchdan ikkiga kamaydi, Putin Yevropa Ittifoqini energiya tashuvchilar bilan shantaj qilish bo‘yicha noto‘g‘ri fikrga borganini tushunyapti, deya ma’lum qildi Ursula fon der Lyayyen.
Rossiya harbiylarining Ukrainadagi harbiy harakatlarining bir yilligi arafasida Yevrokomissiya rahbari Ursula fon der Lyayyen Yevropa Ittifoqining Rossiya agressiyasiga birlashgan javobini olqishladi. «Urush boshida Rossiya prezidenti Vladimir Putin Yevropani Rossiya gaziga qaramlik bilan shantaj qila olaman deb o‘yladi, ammo u noto‘g‘ri hisoblagan. U urush boshlanganidan bir yil o‘tib, o‘zi boshlagan energiya urushida mag‘lub bo‘ldi», dedi u 15 fevral, chorshanba kuni Strasburgda Yevroparlamentdagi (YeP) nutqida.
Fon der Lyayyenning so‘zlariga ko‘ra, YeI vaziyatga moslashdi, ishonchli hamkorlarga murojaat qildi va hozir birinchi muvaffaqiyatlarni ko‘rishi mumkin – Rossiyaning Yevropaga neft va gaz sotishdan tushgan daromadi uchdan ikkiga kamaydi, Yevropa Ittifoqida gaz narxi urush boshlangan vaqtdan ham arzonroq, Yevropa yashil energetika va energetika mustaqilligiga pul tikmoqda. «Putinning bizni shantaj qilishga urinishi muvaffaqiyatsizlikka uchradi», - deya ta’kidladi Yevrokomissiya rahbari.
Ursula fon der Lyayyen Ukrainani qo‘llab-quvvatlashni davom ettirishga chaqirdi. Uning so‘zlariga ko‘ra, Ukraina prezidenti Volodimir Zelenskiy bilan Ukrainadagi odamlarga nima umid baxsh etishi haqida tez-tez gaplashib turibdi. «Bu - ularning mamlakatlari kelajagi, farzandlarining kelajagi Yevropa Ittifoqida ekanligiga umid», deb tushuntirdi fon der Lyayyen va Yevroparlamentni ukrainaliklarni YePda Ukraina xalqi vakillari ham yig‘ilishda o‘tirishi uchun zarur bo‘lgan darajada qo‘llab-quvvatlashga chaqirdi.
Fon der Lyayyen, shuningdek, Yevropa Ittifoqi birinchi marta Rossiyaning Ukrainaga qarshi urushida ishtirok etgan Eron kompaniyalariga, jumladan, Eron inqilobi muhofizlari korpusiga aloqador kompaniyalarga qarshi sanksiyalar taklif qilishini aytdi. YeK rahbarining so‘zlariga ko‘ra, Rossiyaga qarshi qiymati 11 milliard yevro bo‘lgan o‘ninchi sanksiyalar to‘plami yangi savdo taqiqlari va dronlar, vertolyotlar hamda raketalar ishlab chiqarish uchun zarur bo‘lgan texnologiyalar eksporti ustidan nazoratni kuchaytirishni o‘z ichiga oladi.
