Foto: KUN.UZ
Termiz shahrida kuchli chang bo‘roni hodisasi kuzatildi. Bu haqda gidrometeorologiya sohasi mutaxassisi Erkin Abdulahadov xabar berdi.
Ma’lum qilinishicha, mahalliy vaqt soat 11:30 lardan Termiz shahrida ko‘rinish masofasi 1000 metrlardan pasayuvchi kuchli chang bo‘roni hodisalari kuzatila boshlangan.
Natijada, "Toshkent-Termiz" yo‘nalishidagi aviaparvoz ham aynan Termizda kuzatilayotgan kuchli chang bo‘ron sabab aerodromga qo‘na olmasdan ortga qaytgan.
Soat 13:00 holatiga Termizda ko‘rinish masofasi 1100 metr bo‘lib, chang bo‘roni kuchli darajadan o‘rtacha ko‘rinishga tushgan.
