Toshkent shahrida kecha, 20 mart kuni kuzatilgan kuchli shamol va yog‘ingarchilik vaqtida Mirobod tumanida daraxtga yashin urishi hodisasi qayd etildi.
Toshkent shahar Favqulodda vaziyatlar boshqarmasi xabariga ko‘ra, Mirobod tumanidagi 83-sonli umumta’lim maktabi oldidagi daraxtga yashin urishi ro‘y bergan.
Hodisa oqibatida maktab binosining eshik va oynalariga zarar yetgan.
Qayd etilishicha, ushbu hodisa natijasida jabrlangan yoki halok bo‘lgan fuqarolar yo‘q.